Пари Сен Жермен со многу мака стигна до нов триумф во францускиот шампионат совладувајќи го со пресврт Анже на „Паркот на принцовите“ со 2-1. Маурисио Покетино на овој меч беше без Бразилците и без Аргентинците кои играат за националните селекции, но и без нив изведе силен состав. Сепак, тимот не беше на потребното ниво, барем во првото полувреме.
Анже поведе со голот на Анџело Фулџини во 36.минута. Сепак, ПСЖ не дозволи да загуби на домашен терен.
Данило Переира со удар со глава израмни во 69.минута, а Килијан Мбапе од пенал постигна победнички погодок во 87.минута од дуелот.
