Пари Сен Жермен ден по победата над Реал Мадрид донесе одлука да го купи левиот бек Нуно Мендеш од Спортинг Лисабон.
19-годишниот лев бек сезонава импресионираше во дресот на Париз, а летово пристигна на позајмица за седум милиони евра. ПСЖ има клаузула според која може да го купи за дополнителни 40 милиони евра и ќе ја активира.
Мендеш беше еден од најдобрите на теренот против Реал Мадрид, игра многу зрело и дефинитивно ќе направи убиствена двојка по страничните позиции со Ашраф Хакими.
ПСЖ летово го донесе Хакими за 70 милиони евра и практично го имаат највредниот бековски тандем во светот, вреден вкупно 117 милиони евра.
