Пари Сен Жермен го искористи киксот на Лил и со триумф на дербито против Лион (2-4) се искачи на врвот на табелата во Франција. Сега „светците“ се лидери со 63 бода колку што има и Лил, а на третата позиција е Лион со 60 освоени бода.
Нејмар се врати по повредата и влезе како резерва во второто полувреме, но претходно неговите соиграчи веќе ја завршија работата. Килијан Мбапе и Данило донесоа водство од 0-2 за ПСЖ по првиот дел, а Ди Марија и Мбапе набрзо постигнаа уште два гола. Потоа Лион само го ублажи дебаклот со головите на Слимани и на Корне.
