Тренерот на Манчестер Јунајтед, Оле Гунар Солскјер, ги потврди гласините дека има еден фудбалер во клубот кој е позитивен на коронавирус.
„Ерик Баи ќе биде отсутен уште малку. Неговиот последен тест за Ковид-19 се покажа позитивен и поради тоа, Ерик не може да се врати во Англија”, изјави Солскјер после тешко издвоената победа од 2-1 против Брајтон.
Баи, кој ќе мора да се самоизолира во следните две седмици, беше на списокот повикани фудбалери на селекцијата на Брегот на Слоновата Коска за време на репрезентативната пауза.
