Лидерот на табелата во Ла Лига, тимот на Реал Мадрид, се соочува со проблеми од здравствена природа. Двајца фудбалери се позитивни на Ковид-19. Бразилецот Марсело и хрватскиот интернационалец Лука Модриќ се покажаа позитивни на последното тестирање на коронавирусот и веднаш се изолирани.
Засега нема други случаи во „кралските“ редови, но целиот тим ќе мине дополнително тестирање. Марсело и Модриќ во наредните десетина дена нема да бидат на располагање на тренерот Карло Анчелоти. Тие сигурно ќе го пропуштат неделниот натпревар против Кадиз.
