Лоши вести за италијанскиот калчолигаш Наполи. Тимот останува без крилниот напаѓач Ирвинг Лозано кој се повреди синоќа на дуелот меѓу Мексико и Панама (1-0) во квалификациски натпревар за СП во Катар 2022.
Лозано го повреди рамото по еден дуел со Мурилјо и беше изнесен на носилки од теренот. Првичните лекарски проценки се дека ќе паузира повеќе од еден месец.
Наполи в недела и гостува на Венеција, а во моментов има четири бода негатива во однос на лидерот Интер, во трката за шампионската титула во Серија А.
