Фудбалерот на Барселона, Педри ја заврши календарската година поради повреда на мускулот. Според шпанскиот весник „АС“, тој на терените ќе се врати дури во 2022 година.
Педри одигра премногу натпревари изминатата натпреварувачка сезона, повеќе од 50 во дресот на Барселона, а потоа играше за селекциите на Шпанија и на Европското првенство и на Олимписките Игри. Тоа на крајот го зема данокот.
Педри оваа сезона одигра само четири натпревари, по два во Примера и во Лигата на шампионите, а пред повредата се очекуваше да биде во тимот за дебито на Чави против Еспањол.
