Проблем за Барса: Ламин Јамал е неизвесен за дуелот против Атлетико Мадрид

Младата ѕвезда на Барселона и светскиот фудбал, Ламин Јамал, не тренираше со соиграчите пред полуфиналниот натпревар од Купот на кралот против Атлетико Мадрид. Тинејџерот се повреди на натпреварот против Лас Палмас (2-0), откако во 59. минута Есуго и Муњос го соборија на земја, а вториот му нагази на ногата.

Судијата Кордеро Вега, сепак, скандалозно ја остави играта да продолжи, што предизвика гнев кај Јамал и Каталонците.

Дуелот со тимот на Диего Симеоне е закажан за утре во Каталонија, со почеток во 21.30 часот.

Според регулативата, во полуфиналето на Купот, се играат два натпревари. Реваншот е закажан за 2 април во Мадрид.