Шпанија вечерва во Севилја ќе ја пречека селекцијата на Косово. Но, домаќинот официјално не ја признава независноста на Косово, а имаше драма и на прес-конференцијата на селекторот на гостите, Бернард Шаланде. Шпанските новинари избегнуваа да го изговорат името на Косово, а преведувачот беше упорен во намерата да ги натера.
„За тренерот на чија репрезентација е прашањето? Тренерот на…? Кажете го името на репрезентацијата, забележав дека ниеден шпански медиум не покажа храброст да напише Косово во своите вести“, истакна преведувачот.
