Односите меѓу Пари Сен Жермен и Реал Мадрид во моментов се повеќе од затегнати, само неколку часа пред натпреварот меѓу двата тима. Причината за раздор е Килијан Мбапе кој на лето ќе биде слободен агент, не сака да го обнови договорот со ПСЖ, а треба да потпише за Реал Мадрид.
Во пресрет на европските натпревари, традиција е раководствата на двата клуба да одат на заедничка вечера пред натпреварот. Меѓутоа, сега претседателот на тимот од француската престолнина, Насер Ал Калаифи, го откажал настанот на кој требаше да присуствува и Флорентино Перез.
Според некои медиуми, вечерата сепак ќе се одржи, но најверојатно ќе се случи вечерва, можеби по натпреварот на „Паркот на принцовите“. Сепак, учеството на Ал-Калаифи останува под сериозно прашање.
