Работнички и Силекс ремизираа 1-1 во воведниот меч од 20.коло во Првата фудбалска лига. „Романтичарите“ имаа предност со голот на Никола Прелчец, негов прв во дресот на Работнички, но во финишот успеа да израмни Иван Галевски.
Силекс имаше убави можности за водство во првото полувреме преку Иван Ивановски и Дејан Тантуровски, но не ги искористи. Според прикажаното, се чини дека поделбата на бодовите е и најреален епилог за овој дуел.
