Познат е составот на шеширите во пресрет на ждребот за Светското првенство во Катар. Досега се пласираа 29 селекции на мундијалот, додека преостанатите три учесници ќе бидат познати по интерконтиненталните квалификации каде се Австралија, Перу, ОАЕ, Нов Зеланд и Костарика, но и натпреварите на репрезентацијата на Украина.
Прв шешир: Катар, Бразил, Белгија, Франција, Аргентина, Англија, Шпанија, Португалија.
Втор шешир: Мексико, САД, Холандија, Данска, Германија, Уругвај, Швајцарија, Хрватска.
Трет шешир: Сенегал, Иран, Јапонија, Мароко, Србија, Полска, Кореја, Тунис.
Четврти шешир: Канада, Камерун, Еквадор, Саудиска Арабија, Гана…
Познато е дека има ограничувања, не можат да бидат повеќе од две европски селекции во иста група, како и повеќе од една селекција од другите континенти. Така, Бразил и Еквадор сигурно нема да ги видиме во иста група, ниту пак САД и Канада.
