Италијанскиот калчолигаш Наполи се соочува со нов случај на коронавирус. Позитивен на Covid-19 е косовскиот интернационалец Амир Рахмани. Тој по враќањето од обврските со националниот тим добил позитивен тест и веднаш е префрлен во изолација.
За среќа на Џенаро Гатузо, дефанзивецот Рахмани немал контакт со останатите фудбалери на Наполи. Тоа значи дека нема да бидат загрозени останатите од тимот во пресрет на дуелот со Милан в недела. Елиф Елмас по повредата на мускулот можеби ќе добие дозвола да се приклучи со екипата и да конкурира за составот.
