Српскиот напаѓач Душан Влаховиќ нема потешка повреда. Во текот на денешниот ден тој беше на прегледи откако поради болка во задната ложа мораше да го напушти теренот против Данска, кој заврши без голови.
Повредата не е сериозна, па Влаховиќ ќе мора да направи само кратка пауза.
Сепак, тој ќе го пропушти дербито на Јувентус против Милан на „Сан Сиро“, како и гостувањето кај Астон Вила во Лигата на шампионите.
Се очекува Влаховиќ да биде подготвен за гостувањето против Лече, кое е закажано за 1 декември.
Дербито со Милан е на програмата в сабота од 18 часот, а натпреварот против Астон Вила на „Вила Парк“ е во среда, 27 ноември.
