Со знаме добиено од војниците кои ја бранат земјата, закачено во соблекувалната, украинските фудбалери се мотивираат за големата битка. Фудбалерите на Велс имаат можност да направат историја за својата нација. Да обезбедат второ учество на Светско првенство, прво по дури 64 години. Но, историја и борба како мотив имаат и нивните противници. Селекцијата која доаѓа од растргнатата од војна Украина.
Пресметката е закажан за денеска од 18 часот, а Англија, САД и Иран се во групата која го очекува последниот противник за Мундијалот.
На патот до финалето на баражаот за пласман на Светскто првенство , Велс во полуфиналето славеше над Австрија, а Украинците беа подобри од Шкотска.
„Имаме разбирање за нивната ситуација, на сите ни е ужасно жал да тоа што се случува во земјата, но ова денеска е фудбалски натпревар и ние сакаме да победиме“, изјави во пресрет на мечот капитенот на Велс, Герет Бејл.
Натпреварот првично беше закажан за март, но беше одложен поради инвазијата на Русија на Украина. И украинските репрезентативци се обидуваат да го остварат вторто учество на светските првенства. За тимот од земјата тешко погодена од војна, натпреварот е многу повеќе од фудбал.
„Во Украина е навистина тешка ситуација и не може секој да гледа фудбал, но ние ќе се обидеме да се концентрираме и да одиграме добро“, вели селекторот Олександр Петраков.
