Клубот од Саудиска Арабија, Ал-Наср, го чека доаѓањето на Кристијано Роналдо на првиот ден од 2023 година. Сепак, амбициите на сопствениците не завршуваат со привлекувањето на петкратниот освојувач на „Златната топка“. Според „Марка“, богатите Саудијци на Ал-Наср сакаат да донесат и други големи ѕвезди на светскиот фудбал.
Нивна следна цел е дефанзивецот на Пари Сен Жермен, Серхио Рамос. Шефовите на Ал-Наср ќе се обидат да го убедат Шпанецот да му се приклучи на клубот следното лето.
Договорот на Рамос со парижаните истекува на 30 јуни, но откако оваа сезона се избори за стартно место во тимот на Галтие, неговата желба е да продолжи да игра на највисоко ниво во Европа.
Сепак, сопствениците на Ал-Наср веруваат дека можат да бидат доволно убедливи за да го преселат на Далечниот Исток.
