Младата фудбалска репрезентација на Македонија до 21 година загуби убедливо (4-0)од Украина во Истанбул, во последниот меч од квалификацискиот циклус за ЕП 2023. Избраниците на селекторот Драги Канатларовски се држеа повеќе од еден час, но потоа набрзина примија четири гола.
Богдан Вјуник во 69.минута го отвори резултатот, а две минути подоцна Хеорхи Судаков зголеми на 2-0. Третиот и четвртиот гол ги постигна Владислав Ванат во 85.минута од мечот и во судиското продолжение.
