Бројот на жртвите од бурата „Дана“ во областа на Валенсија продолжува да расте, а истоимениот клуб објави дека еден од загинатите е поранешниот играч од академијата на „лилјаците“, Хозе Кастиљехо.
28-годишниот фудбалер играл за младинските селекции, а потоа бил дел и од неколку локални нисколигашки клубови во областа. Во 2020 година, тој се откажал од фудбалот.
Жртвите од катастрофалниот поплавен бран веќе надминуваат 160, а клубот Валенсија продолжува да им помага на погодените, при што го стави стадионот „Месталја“ на располагање за потребите на кризен центар во градот.
Реал Мадрид ќе донира 1 милион евра за жртвите од поплавата во Валенсија.
