МАКФУДБАЛ во Тбилиси,
Фудбалската репрезентација на Македонија губи со 1-0 против Грузија во Тбилиси, во петтиот натпревар од Лигата на нации. Во 35. минута, Бојан Миовски несреќно си постигна автогол по акцијата на Кварацкелија.
Стефан Спировски во третата минута влезе во шеснаесетникот и беше згазнат од противнички дефанзивец. Но, судијата Иван Кружлиак не се реши за пенал.
Во 20.минута, Енис Барди шутираше од слободен удар, но директно во Мамардашвили.
Потоа дојде редот на Грузија. Абурџанија шутираше одлично во 34.минута, но Столе Димитриевски имаше убава интервенција и исфрли во корнер.
Само една минута подоцна, Квича Кварацкелија продре по десната страна, уфрли во петерецот, а топката го погоди Бојан Миовски и заврши во мрежата.
