Шпанскиот прволигаш Севилја остварила контакт со поранешниот тренер на Тотенхем и на Пари Сен Жермен, Маурисио Покетино, откако Андалузијците го забележаа најлошиот старт на сезоната во Ла Лига под водство на Хулен Лопетеги. Тимот освои само еден бод во првите четири натпревари оваа сезона, а синоќа доживеа дебакл (0-4) и од Манчестер Сити во ЛШ.
По ремито против Валјадолид, следуваа порази на гости кај Осасуна и Алмерија. Севилја потоа беше поразена на домашен терен од Барселона со 0-3. Сега им претстои тешка серија на натпревари против Еспањол, Виљареал и Атлетико Мадрид.
