Франција го декласира Казахстан со 8-0, а „покер“ голови постигна неверојатниот Килијан Мбапе. Тој го отвори мечот со хет – трик во првото полувреме, а на крајот и ја затвори серијата голови. Во вториот дел Карим Бензема беше двоен стрелец, а погодија и Адриен Рабио и Антоан Гризман.
Холандија имаше водство од 0-2 во Подгорица, но на крајот само ремизираше 2-2 со Црна Гора. Мемфис Депај беше двоен стрелец за гостите, а Вукотиќ и Вујновиќ во финишот донесоа реми за Црногорците.
Белгија со 3-1 ја совлада Естонија. Бентеке, Караско и Торган Азар стрелаа за Белгијците. Велс со 5-1 ја декласира Белорусија.
