Фудбалската репрезентација на Финска оствари историски триумф на европските првенства, славеше со 1-0 против Данска, но победата остана во втор план поради драматичните моменти низ кои мина фудбалерот Кристијан Ериксен. Данскиот репрезентативец падна во бесознание, преживеа срцев удар на теренот, прв му помогна капитенот Кјаер, а потоа и беше итно одведен во болница.
Мечот беше прекинат, а потоа продолжи откако дојде информација дека Кристијан Ериксен сепак се чувствува добро.
Јоел Похјанпало постигна победнички гол за Финска во 60.минута, но не се радуваше од респект кон Ериксен.
