Јувентус се врати во Лигата на шампионите и успеа да триумфира на почетокот на новото издание на елитното европско натпреварување. Премиерниот меч на Тијаго Мота на кормилото донесе триумф од 3-1 за Јуве против ПСВ Ајндховен.
Кенан Јилдиз го отвори резултатот, а Вестон Меккени зголеми на 2-0. Нико Гонзалес на стартот на вториот дел постигна трет гол и беше јасно дека Јувентус ќе забележи победа. ПСВ постигна почесен гол преку Исмаел Саибари во судиското продолжение од мечот.
Астон Вила беше убедлива на гости кај Јанг Бојс и славеше со 0-3. Јан Тилеманс обезбеди водство во 27.минута, а до крајот на првиот дел погоди и Џејкоб Рамзи. Во вториот дел Амаду Онана во 86.минута го заокружи убедливиот триумф.
