Поранешниот сенегалски репрезентативец Папа Буба Диоп почина на 42-годишна возраст во Париз, јавуваат светските медиуми. По подолго боледување, еден од хероите на Сенегал на Светското првенство во 2002 година ја загуби животната битка. Ова е нова трагична вест за светскиот фудбал по смртта на Диего Марадона.
Папа Буба Диоп го постигна победничкиот гол за Сенегал против Франција (1-0) на мундијалот во Јапонија и Јужна Кореја во 2002 година. Во кариерата играше за францускиот Ленс, како и за премиерлигашите Фулам, Портсмут и Вест Хем.
