Поранешниот фудбалер Фабијан О’Нил почина денеска, по долго и тешко боледување. Офанзивниот играч за врска играше за Перуџа, Јувентус и за Калјари, каде што остана најдолго, четири години.
Уругвајскиот репрезентативец настапуваше и за Насионал.
О’Нил во саботата завршил во болница во Монтевидео бидејќи состојбата му се влошила, но починал неполни 24 часа подоцна.
Долго време се бореше со цироза на црниот дроб, а состојбата му се влоши во последните неколку дена. Почина на 49-годишна возраст.
По завршувањето на кариерата, за Уругваецот почнаа проблемите со алкохолот, поради што со години неговото здравје беше загрозено и што доведе до рана смрт на легендарниот фудбалер.
