Македонскиот прволигаш Пелистер се оградува од можни задкулисни игри на пријателскиот меч против Охрид што вчера се одигра на охридското крајбрежје. Битолчани славеа со 2-0 во самиот финиш, со двата гола на младиот Мартин Андоновски, а навивачката група Чкембари се посомнева во регуларноста на овој натпревар.
Сепак, Пелистер испрати соопштение во кое истакнува дека клубот под „Тумбе кафе“ не бил учесник во задкулисни игри, а доколку некој навивач знае за таков развој на настаните, треба да пријави во ФФМ и во МВР.
