Пелистер нема победа и по 12 кола во македонскиот шампионат. Битолскиот прволигаш остана без шефот на стручниот штаб Димитар Капинковски кој си поднесе оставка, а во клубот се случува вистински раскол, и тоа во пресрет на локалните избори за градоначалник на градот на конзулите.
Поранешниот претседател Пеце Стојчевски го продаде клубот на компанијата „Спорт Бит“, а спортскиот директор Пеце Коруновски стана нов претседател на Пелистер. Во предизборието, „пелистерци“ многу повеќе се занимаваа со политика и предизборна кампања, а јавно го поддржаа Христо Кондовски, еден од спонзорите на клубот, за нов битолски градоначалник. За да се „подмачка“ работата, навивачката група Чкембари доби и дел од акциите на клубот.
Сепак, јасно е дека во Пелистер многу работи не функционираат, не само на теренот при настапите во Првата лига, туку и при исплатата на платите, клупската организација, преземањето одговорност за тоа што клубот е на самото дно на табелата.
Да потсетиме, Пелистер едвај и стартуваше со подготовки само неколку дена пред почетокот на шампионатот, а тимот се конструираше во последните мигови од преодниот рок, и тоа со фудбалери кои дотогаш немаа потпишано за ниеден клуб.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski