Турбулентен период за Баерн Минхен иако ја одбрани титулата. Францускиот дефанзивец Бењамин Павар нема да го продолжи договорот кој му истекува во 2024 година и покрај желбата на клубот по секоја цена да го задржи.
За споредба, Лукас Хернандез, кому му беа оштетени вкрстените лигаменти, може да продолжи до 2027 година, но во моментов не сака, пишува „Скај Спорт Германија“.
Павар ја освои Бундеслигата во сите четири сезони во Баерн, беше дел од тимот кој ја освои Лигата на шампионите, Суперкупот на УЕФА и Светското клупско првенство. Тој забележа 111 настапи и постигна осум гола.
Истиот ден по освојувањето на новата титула во Германија, Баерн Минхен ги отпушти првите оперативци, Оливер Кан и Хасан Салихамиџиќ.
