Црвена Звезда пропушти голема шанса за нов триумф над вечниот ривал Партизан, откако „црно-белите“ со погодок во судиското надополнување успеаја да стигнат до реми (3-3) во второто овосезонско дерби во српскиот шампионат. Македонскиот репрезентативец Бојан Димоски, кој пред неколку дена го засили Партизан, остана на клупата за резерви во текот на целиот натпревар.
Партизан ја замолкна „Маракана“ уште во осмата минута, кога Зубаиру се снајде во шеснаесетникот и од вториот обид ја испрати топката во мрежата за 0-1.
Во вториот дел следеше вистинска голеада. Најдобриот стрелец во лигата, Шериф Ендиаје, блесна со два брзи гола и донесе пресврт во корист на Црвена Звезда. Сепак, Партизан не се откажа – Ковач во 60. минута израмни на 2-2 и внесе нова неизвесност.
Само три минути подоцна, Иваниќ со убав гол повторно ја врати предноста на домаќините. Но во третата минута од судиското продолжение Партизан доби пенал, а Николиќ беше прецизен за конечни 3-3.
