Академија Пандев ремизираше без голови против туркменистански Алтин Асир во последниот пријателски натпревар на подготовките во Анталија. Составот на Југослав Тренчовски имаше неколку изгледни шанси за гол, но реализацијата на овој дуел не беше на потребното ниво.
„Пандевци“ утре ги заокружуваат подготовките во турскиот туристички центар и се враќаат во Македонија. Фудбалерите ќе добијат два дена пауза, а потоа и ги продолжуваат подготовките за првото пролетно коло и дуелот против Шкендија на домашен терен.
