Горан Пандев е вистинска легенда не само во Македонија, туку и во цела Европа. Со денешниот историски прв гол за нашиот национален тим на европските првенства, стана втор највозрасен стрелец на турнирите на Стариот континент.
Пандев погоди со 37 години и 321 ден, а прв на листата е австрискиот фудбалер Ивица Вастиќ. Тој во 2008 година беше стрелец за Австрија на мечот против Полска со 38 години и 257 дена.
Интересно е како во Велика Британија гледаат на Пандев. Тој го имаше своето деби за репрезентацијата на Македонија две години пред Џуд Белингам да биде роден.
