Македонскиот првак Шкендија ќе игра против естонскиот шампион Номе Калју во првото квалификациско коло од Лигата на шампионите. Тренерот на Шкендија, Ќатип Османи, вели дека првакот на Естонија заслужува максимален респект и нема да биде потценет.
„Номе Калју доминира во Естонија во последните неколку години. Имаме максимален респект за нив. Во ова натпреварување играат најдобрите тимови од секоја држава“, изјави Ќатип Османи.
Капитенот Арменд Алими вели дека Шкендија го добила посакуваниот ривал.
„Мислам дека имавме среќа при ждребот, Номе Калју беше тим што го посакувавме за ривал. Но, не смееме никого да потценуваме. Имаме доволно време за добро да се подготовиме“, истакна Алими.
