Шпанскиот репрезентативец Дани Олмо е една од најголемите желби на Барселона во зимскиот преоден рок, но офанзивниот играч за врска сепак нема да биде достапен за трансфер во јануари. Лајпциг нема да му дозволи на Шпанецот да се пресели на „Камп Ноу“.
„Мундо Депортиво“ пишува дека Олмо и пријавил лоша вест на Барселона, а тоа е дека Лајпциг нема да го пушти во јануарскиот преоден рок. Лајпциг сака да го задржи 23-годишниот Шпанец во обид да се пласира во Лигата на шампионите и следната сезона.
Каталонскиот клуб сака да го врати фудбалерот кој многу млад замина од „Камп Ноу“ и се развиваше во Динамо Загреб. Потоа стигна до шпанската репрезентација и преку хрватскиот клуб направи трансфер во Лајпциг.
