Поранешниот германски репрезентативен голман и поранешен претседател на Баерн Минхен, Оливер Кан, пристигна во Бордо за преговори околу преземањето на клубот, пренесува „Радио Монте Карло“. Францускиот гигант, кој се соочи со сериозни финансиски проблеми, беше административно префрлен во четвртата лига.
Кан, заедно со својот француски партнер Жак-Анри Ејро, поранешен претседател на Олимпик Марсеј, оствари средби во општината на Бордо.
„Ова е сериозен состанок со сериозни луѓе кои имаат јасни намери“, изјави Кристин Бост, претседателка на Општинскиот совет во Бордо.
Градскиот стадион во Бордо, изграден за Европското првенство 2016, е во сопственост на Општината. Кан и Ејро треба да имаат средба и со градоначалникот Пјер Јурмик.
55-годишниот Кан, кој има 86 настапи за германската репрезентација и 632 за Баерн Минхен, во јануари за „Билд“ потврди дека има интерес за Бордо, но тогашните преговори беа во почетна фаза.
