Охрид претстави три нови имиња

Македонскиот второлигаш Охрид претстави три нови засилувања. Албин Рамадани, Јусуф Алиу и Кристијан Петкоски се новите имиња во таборот на охриѓани. Рамадани и Алиу доаѓаат од Велазерими, додека Петкоски пристигна од редовите на Воска Спорт.

Претходно, „рибарите“ се засилија и со Игор Клечкароски, Мурат Адили и со Сашо Шопоски.

Тимот на Охрид пред неколку дена ги стартуваше подготовките за новата сезона, а најави дека ќе одигра седум пријателски натпревари во наредниот период.