Суспензијата од два натпревари на Џуд Белингам останува на сила, откако Апелациската комисија на Шпанската фудбалска федерација ја отфрли жалбата на Реал Мадрид, пренесува “Марка”. Санкцијата беше наложена за црвениот картон што англискиот фудбалер го доби на натпреварот против Осасуна во последното коло од Ла Лига.
Реал Мадрид сметаше дека казната е несправедна и бараше или целосно поништување на санкцијата, или барем намалување на еден натпревар. Сепак, жалбата на клубот беше отфрлена.
Така, Белингам ќе ги пропушти претстојните натпревари на Реал Мадрид во Ла Лига против Џирона на 23 февруари и против Бетис на 2 март, но ќе биде достапен за првиот полуфинален натпревар од Купата на кралот против Реал Сосиедад на 26 февруари.
