Англискиот премиерлигаш Њукасл сака да го ангажира играчот од средниот ред на Челси, Жоргињо, чиј договор истекува за шест месеци. 31-годишниот Италијанец има повеќе од 130 настапи за „сините“, но менаџерот Грем Потер сака да го подмлади тимот, а особено средниот ред, во кој Н’Голо Канте и Жоргињо се главни фигури долги години. Сепак, и двајцата сега се приближуваат кон крајот на кариерата на „Стемфорд Бриџ“.
Челси веќе потпиша договор со тинејџерот Андре Сантос, кој е инвестиција за иднината.
Клубот понуди 130 милиони евра за играчот од средниот ред на Бенфика, Енцо Фернандез. Доколку овој трансфер се финализира, може да ја отвори вратата за излез на Жоргињо.
