
Њукасл и официјално го претстави најскапиот трансфер во својата историја, Ник Волтемаде пристигна од Штутгарт за 75 милиони евра плус 5 милиони во бонуси. Со тоа „чавките“ ја надминаа претходната рекордна зделка со Александар Исак, за кого пред три години платија околу 72 милиони евра.
Овој потег може да значи и заминување на Исак, кој е силно поврзуван со трансфер во Ливерпул. Клубот претходно најави дека нема да го пушти Швеѓанецот без соодветна замена – нешто што сега е обезбедено.
„Пресреќен сум што сум дел од овој неверојатен клуб. Од првиот контакт почувствував дека навистина ме сакаат и имаат големи планови за мене. Напуштањето на Германија е голем чекор, но одлично сум пречекан и веќе се чувствувам како дел од семејството. Едвај чекам да започнам да играм и да давам голови“, изјави 23-годишниот Волтемаде, кој минатата сезона во дресот на Штутгарт постигна 17 погодоци на 34 натпревари.
Willkommen, Woltemade 🖤🤍 pic.twitter.com/FsEpSMDGP8
— Newcastle United (@NUFC) August 30, 2025
И менаџерот Еди Хау е задоволен од новото засилување.
„Многу сме среќни што трансферот беше реализиран толку брзо. Ник е токму она што го баравме – напаѓач со одлични технички квалитети, искуство во силна лига и огромен потенцијал за развој.“
Волтемаде беше цел и на Баерн Минхен, но баварците не беа подготвени да ја платат високата цена на Штутгарт, па останаа без втората голема желба по Флоријан Вирц, кој замина во Ливерпул.
Њукасл веќе извесно време бараше напаѓач, но не успеа да ги ангажира Лијам Делап и Жоао Педро кои го засилија Челси, како и Бењамин Шешко кој потпиша за Манчестер Јунајтед.

-
МАКФУДБАЛ ТИМ НА КОЛОТО ВО ПРВАТА ЛИГА
Арсими дојде во Тетово и ја сопре Шкендија, а Силекс и Струга ТЛ се...
Автор makfudbal
-
МАКФУДБАЛ ИГРАЧ на колото: Филип Алексовски (Башкими)
Башкими е веројатно најпријатното изненадување на стартот на сезоната во Првата лига. Новиот прволигаш...
Автор makfudbal