Фудбалската репрезентација на Македонија го одржа првиот тренинг во пресрет на стартот на квалификациите за Европското првенство во 2020 година, а фудбалерите на комплексот на ФФМ ги пречека и новиот претседател Муамед Сејдини. Тој ги поздрави и им посака многу успеси во периодот што следи, со желба Македонија да се најде на ЕП следната година.
За тоа имаме две шанси, и преку плејофот во Лигата на нации, но и преку квалификациската група за ЕП 2020. Првиот меч на „црвено-жолтите“ е в четврток на арената „Филип Втори“ против Летонија, а три дена подоцна Македонија ќе и гостува и на Словенија во Љубљана.
