Тренерот на Челси, Томас Тухел, го испратил Антонио Рудигер дома откако дефанзивецот влегол во пресметка со голманот Кепа Аризабалага за време на денешниот тренинг, тврдат англиските медиуми.
Во извештајот на “Телеграф” се вели дека расправијата била предизвикана откако Рудигер направил задоцнет старт врз Кепа, при што Шпанецот реагирал бурно и жестоката расправија брзо прераснала во турканица.
Тухел веднаш реагирал и го отстранил Рудигер од тренингот со цел да се смири. Се верува дека тој подоцна му се извинил на голманот.
