Килијан Мбапе има одлична сезона во ПСЖ, но повторно е „жива“ приказната за негово заминување во Реал Мадрид. Ова откако „Л’Екип“ откри дека напаѓачот има потпишано двегодишен договор со ПСЖ, а третата година е опција, само доколку се сложат двете страни. Ова значи дека тој би можел да замине дури и следното лето.
Иако на презентацијата беше наведено дека продолжувањето на договорот е со важност до 2025 година, францускиот „Л’Екип“ тврди дека договорот е една година „пократок“.
Мбапе потпишал договор до 2024 година со опција за продолжување на уште една сезона. Ова може повторно да го отвори патот за трансфер на Килијан во поблиска иднина отколку што многумина се надеваа.
Реал Мадрид и Флорентино Перез се први во редот, иако откако беше изигран, дојдоа најави од претседателот на „кралскиот клуб“ дека тој никогаш веќе нема да достави понуда до Мбапе.
