Атлетико Мадрид ја продолжи победничката низа во Ла Лига со триумфот од 2-1 над Алавес на домашен терен. Тимот на Диего Симеоне сега е третопласиран на табелата, со три бода заостанување зад Реал Мадрид и зад Џирона, а еден пред Барселона.
Родриго Рикелме го доведе Атлетико Мадрид во водство со голот во 26.минута. Алваро Мората зголеми на 2-0 непосредно пред одморот и тоа беше најава дека бодовите ќе останат за домашниот тим.
Сепак, Алавес успеа да постигне почесен погодок, и тоа во судиското продолжение од мечот, преку Андер Гуевара.
