Голманот на Баерн Минхен, Мануел Нојер, влезе во историјата на Лигата на шампионите, откако ја сочува мрежата на четвртфиналниот реванш против Арсенал на „Алијанц Арена“.
Домаќините победија со 1-0 и после 2-2 во првиот меч обезбедија пласман во полуфиналето на ЛШ.
Тоа беше 58. пат Нојер да сочува „чиста мрежа“ во Лигата на шампионите. Досега нема друг голман кој може да се пофали со вакво достигнување. Германецот го остави зад себе Икер Касилјас со 57 натпревари без примен гол.
