Баерн Минхен е во мини резултатска криза. Баварците пред една недела загубија од Борусија Менхенгладбах со 3-2, па моментно го делат првото место со Борусија Дортмунд и со Унион Берлин.
Утре Баварците ги очекува важен дуел токму со Унион Берлин, па синоќа имаа заедничка вечера на која присуствуваше и Мануел Нојер.
Голманот на Баерн пред два месеци ја скрши ногата на скијање и ова е првпат да биде фотографиран без патерици.
Се пишуваше и за конфликт меѓу Нојер и тренерот Џулијан Нагелсман поради отказот на Тапаловиќ, поранешниот тренер на голманите кој е еден од блиските пријатели на Нојер. Сепак, се очекува двете страни да ги корегираат односите.
