Ништо од Роналдо и Меси: Познат новиот освојувач на “Златната топка” (ФОТО)

На интернет се појави слика од она што се тврди дека е конечниот пласман на годинашното издание во изборот за “Златната топка”, а Роберт Левандовски, наводно, конечно, ќе биде прогласен за нејзин освојувач. Добитникот на наградата сега е малку потешко да се предвиди, бидејќи Лео Меси и Кристијано Роналдо не се директни фаворити како што беа вообичаено во последната деценија.

Овојпат има многу повеќе имиња во комбинација, како играчот од средниот ред на Челси, Жоргињо и напаѓачот на Реал Мадрид, Карим Бензема. Сепак, на социјалните мрежи се појави слика од гласањето според кое победник е напаѓачот на Баерн Минхен, Роберт Левандовски.

Сликата е од документ од “Франс Фудбал”, кој датира од 25 октомври и го прикажува рангирањето на оние кои се во трка за наградата. На споменатата слика, Полјакот води на листата со 627 гласови, Меси е на второто место, а Карим Бензема е трет. Интересно е што Кристијано Роналдо се наоѓа дури на деветтото место.

1. Роберт Левандовски (Баерн Минхен)
2. Лионел Меси (ПСЖ)
3. Карим Бензема (Реал Мадрид)
4. Мохамед Салах (Ливерпул)
5. Жоржињо (Челси)
6. Килијан Мбапе (ПСЖ)
7. Н’Голо Канте (Челси)
8. Ерлинг Халанд (Борусија Дортмунд)
9. Кристијано Роналдо (Јувентус/Манчестер Јунајтед)
10. Кевин де Бруин (Манчестер Сити)
11. Џанлуиџи Донарума (Милан/ПСЖ)
12. Лука Модриќ (Реал Мадрид)
13. Џорџо Кјелини (Јувентус)
14. Хари Кејн (Тотенхем)
15. Бруно Фернандеш (Манчестер Јунајтед)
16. Рубен Дијаш (Манчестер Сити)
17. Ромелу Лукаку (Интер/Челси)
18. Педри (Барселона)
19. Нејмар (ПСЖ)
20. Ријад Марез (Манчестер Сити)