Неверојатни 2,6 милиони долари беа издвоени за специјален билет за најновата пресметка меѓу Кристијано Роналдо и Лионел Меси на 19 јануари во Ријад. Двете ѕвезди на светскиот фудбал ќе се соочат во пријателскиот натпревар меѓу ПСЖ и комбинираниот тим од најдобрите играчи на саудиските клубови, Ал Хилал и Ал Наср, чиј капитен ќе биде Португалецот.
Овој натпревар ќе биде и деби на Роналдо во Саудиска Арабија, бидејќи поради разни административни проблеми не смееше да игра од неговото доаѓање во Ал-Наср.
Специјалниот билет со наслов „Beyond Imagination“ е ставен на аукција, која завршува на 17 јануари. Оној што ќе даде најмногу пари за тоа ќе добие право да учествува на доделувањето, како и да ги посети соблекувалните на двата тима и лично да се сретне со Меси и со Роналдо. Досега саудискиот бизнисмен Мушреф Ал Гамди, кој е генерален менаџер на групацијата за недвижнини „AqarOne“, води на наддавањето со 2,6 милиони долари, пренесува „Марка“.
Натпреварот помеѓу ПСЖ и селекцијата на фудбалери од првенството на Судиска Арабија ќе ги спротивстави Меси и Роналдо за првпат по 2020 година, кога Јувентус на Кристијано ја победи Барселона на Лео Меси со 3:0 во Лигата на шампионите.
