Навивач е сериозно повреден откако падна од тирбина на стадионот Вембли за време на натпреварот меѓу Англија и Хрватска. Инцидентот се случил на почетокот од средбата.
„Видовме како му се превртуваат нозете преку оградата, потоа падна на земја и не се движеше. Изгледаше како на службите да им треба цела вечност да стигнат до него“ – објаснува еден сведок.
Случката ја потврди и портпаролот на стадионот Вембли.
„Можеме да потврдиме дека навивач паднал од трибина. На лице место му е укажана помош и потоа е префрлен во болница со сериозни повреди. Ќе продолжиме да работиме со УЕФА на комплетно расчистување на случајот“ – се вели во офцијалната изјава.
