Познато е дека во драмата во Белград против репрезентацијата на Србија, Португалија остана без два бода кои им беа одземени на доста скандалозен начин. На тоа, капитенот на Португалците, Кристијано Роналдо не реагираше соодветно. Пред крајот на дуелот, тој самоволно го напушти теренот и на непрофесионален начин, ја фрли капитенската трака во знак на револт.
Сепак, без разлика на овој чин, неговиот селектор потврди дека 36-годишниот ветеран останува капитен на актуелниот европски првак.
„Тоа што се случи беше само момент на фрустрација. Кристијано останува капитен, тој е пример. Со својот потег не го навреди тренерот или неговите соиграчи. Ако ги навредеше, ќе размислувавме за санкција. Тој секогаш сака да победува и секогаш го дава својот максимум за репрезентацијата. Беше навистина лут и нервозен“, рече Фернандо Сантош.
