Бразилската ѕвезда Нејмар беше крајно разочаран по елиминацијата во четвртфиналето на Светското првенство. „Кариоките“ беа елиминирани од Хрватска по изведување пенали.
Фудбалерот на ПСЖ заврши во солзи, па дури и навести дека ќе ја напушти репрезентацијата.
„Навистина не знам дали ќе продолжам. Има многу работи за размислување во моментов. Не сакам да зборувам додека се уште сум под влијание на емоциите. Сакам да имам доволно време да ја донесам оваа одлука за репрезентацијата, да размислам што е најдобро за мене и за тимот. Не ги затворам вратите за репрезентацијата, но не можам 100% да кажам дека ќе продолжам“, изјави Нејмар.
