Нејмар се врати во дресот на Пари Сен Жермен по шест месеци пауза поради повреда. Иако е најскапиот фудбалер во историјата на клубот, со трансферот од Барселона во ПСЖ вреден 222 милиони евра, анализата вели дека е можеби најевтиниот, со оглед дека отвори пат за уште огромен број ѕвезди да дојдат на „Паркот на принцовите“.
„Сè што му даде на ПСЖ е бесценето. Тој е најевтиниот играч во историјата на клубот бидејќи тоа што му го дал на тимот во однос на маркетингот е неверојатно. Ако одите каде било во светот, сигурно ќе има некој што ќе носи дрес на ПСЖ, а тој претходно не ни знаел кој е клубот. Како резултат на тоа пристигнаа Меси, Мбапе, Ди Марија и останатите. Ако ги исклучиме Нејмар и Мбапе, тешко дека ќе најдеме успешни договори за сто милиони или повеќе“, анализира бразилскиот агент Андре Кири.
Нејмар дојде во ПСЖ од Барселона во 2017 година за 222 милиони евра. Оттогаш, 31-годишниот Бразилец забележа 173 настапи за парижаните, постигнувајќи 118 голови и 77 асистенции.
